NÒMBER DI OBRA ‘ATRAKO DEN CHINO’ A KAMBIA PA ‘ATRAKO’

WILLEMSTAD 4 Jan.2017 .- E organisashon Huis van Asporaat tabatin un kombersashon ekstensivo i fruktífero  ku e kònsùl di China i diferente lider di komunidat chines pa splika tokante di e kontenido di e obra ‘Atrako den Chino’ ( ku a keda presentá na vários okashoná na Hulanda ku lo keda presentá na WTC riba 5, 6 i 7 di yanüari kaminda ke entretené i na niun momento ke ofendé chinesnan.    E kontenido di e obra ta humorístiko pa e personanan sali fo’i e teater ku un bon sentimentu i un smail riba nan kara. Tumando kombersashon den konsiderashon Huis van Asporaat a disidí pa adaptá e título di e obra na “Atrako”. Ku e adaptashon aki Huis van Asporaat lo mantené ámbos partido envolví den un bon espíritu.